Jowai: Ka North East India Mission Association kaba la jutip kum ka NEIMA kaba don ha Sahsniang ka la pan jingiarap pisa na u myntri rangbah, na ka bynta ban iarap ha kaban pyndap pynbiang ia ki jingdonkam ki khunswet kiba la ri la sumar ha katei ka jaka.
Ia ka dorkhas la aiti sha u Myntri ka PWD Bldg u ma C Ymbon, namar ba u Myntri Rangbah ym shym la lah ban donlang kumba la pynbeit.
Na ka liang u ma Ymbon u la ong ba na ka liang jong u ryngkat bad u local MLA ka thain kin iakren bad u Myntri Rangbah halor kane ka Dorkhas jong ka NEIMA.
U ma Coming u la sneng la kyntu ruh ia ki khunswet kiba don haduh 22 ngut ba kin long kiba don akor don burom bad kiba trei shitom ha ki jingpule jong ki.
“Kiba ju wan sha khmat ha baroh ki liang ki dei kiba wan na ka iing kaba shem jingeh kum maphi. Phi la duh ia ki kmie ki kpa naduh dangrit, hynrei phin dei ban duh jingkyrmen phi dei ban trei shitom bad ka jingtreishitom jong phi kan wanrah ia u soh ka jingkmen bad ba thiang.
Shwa ia kane u ma Nujorki Sungoh ruh u la kren lyngkot ha kaba ma u hi kum u local MLA un shimkhia ban pynioh jingiarap ia ki ha ryngkat ka jingiatreilang bad u Myntri Rangbah.
Ka NEIMA kadei kaba ri ba sumar ia ki khunswet bad kam don kano kano ka lad pynmih pisa hynrei lyngba u synniang na ka kynhun bapher bapher bad na ki riew shimet.
Tang arsien la ioh jingiarap na ka tnad Social Welfare shisien 1 lakh 35 hajar ha u snem 2016-17 bad 1 lakh 40 hajar ha u snem 2017-18.
Na ka liang ki nongpeit nongkhmih ia ka NEIMA ki la kyrpad ia u Myntri Rangbah ban pynioh pisa ba man la ka por na ka bynta ban ioh iarap ia kitei ki khunswet ha baroh ki liang.
Phi don ban ong eiei?