Pan jing pynshai ka BJP, na U MR, ba iasoh MDA ki Congress

Shillong:U Bah Ernest Mawrie, President ka Bharatiya Janata Party (BJP) ha ka jylla, u la iathuh ba na ka liang jong u, u la dep ban ai ia ka shithi sha u Myntri rangbah ka jylla U Conrad K Sangma halor ka jingpan jingpynshai halor ka jingwan kyrshan jong ki sanngut ki MLA ka Congress party ia ka Sorkar Meghalaya Demiocratic Alliance (MDA).

Haba kren bad ki lad pathai khubor, na ka liang u bah Mawrie u la iathuh bau la dep ban ai ia ka shithi ha u Myntri rangbah bad na ka liang u myntri rangbah un sa ai ka jingpynshai ynda u la wanphai na Delhi.
Haba kylli halor ka shithi u bah Mawrie u la ong “Ngi la phah pynshai na u myntri rangbah ba shwa ban pdiang ka jingkyrshan jong ki san ngut ki MLA ka Congress party u Myntri rangbah u khlem iasyllok eiei ia ki party ki ba synrop lang ha ka sorkar MDA”.

Ha kaba ia dei bad ka election 2023 u bah Mawrie u la ong “Lashai ka sngi ngin leit sha Garo Hills ban ia kynduh bad ban ia kren halor ka election 2023”. Na ka liang u bah Mawrie u la kam ruh ba ha kine ki sngi ban wan kin sa don ruh ki MLA MDC ba rim na Garo Hills ki ban sa pyniasoh ia lade bad ka party BJP.
Halor ka jingkynnoh, halor ka jingtih bad khaii dewiong beain na ka liang u bah Mawrie, u la kyntu ia ka sorkar ba kan shim khia ia kine ki bynta, namar ba ka pynduh nong ia ka jylla.