Shillong:Ka Seng Samla Shella, ka la phah da ka dorkhas sha U Director Lafarge Umiam Mining Pvt Ltd ban pan jing iarap, na bynta ki nongshong shnong ka Shella, na ka daw jong kane ka khlam corona virus.
Ha katei ka jingthoh, ka Seng, ka iathuh ba ki don bun ki nongshong shnong, ki bym don shuh ia ka bam ka dih, kaba biang, na ki jingkhang kiba har rukom bad nangta, sa ka jingkhang ka iew khappud.
La dawa namarkata ia ka Lafarge, ba kan siew bai dawai ia kito kiba ioh pang covid na katei ka shnong, an ai mar bam sha ki nongshong shnong, ban plie ia ka Community Isolation Centre (CIC) ha ka jing ia trei lang bad ka Dorbar Shnong Shella bad ka Shella PHC bad ban pynioh ia ki oxygen, nangta ki tiar test ha ka Shella PHC lem bad kiwei ki jing donkam ban test ia kiba pang covid.
Phi don ban ong eiei?