Pan jaka hikai, ia ki pulit pynlip ding

Shillong, 18 Lber:
Ka myntri kam poh iing ka jylla ka Kong Ro shan Warjri ka la ong ba ka sorkar ka la pan jaka hikai ia ki pulit pynlip ding na ka sorkar pdeng ha kane ka jylla.
Ka kong Warjri ka la ong ia kane hapoh iing dorbar haba jubab ia ka jingkylli jong u MLA ka South Tura u John Leese K Sangma. Ka Kong Warjri ka la ong ba ia kane ka jingpan la phah ha ka 14th Finance Commission.
Ha kajuh ka por, ka la iathuh ba ki kali pynlip ding kiba don ha ka jylla ki long ha East Khasi Hills (27), West Khasi Hills (10), South West Khasi Hills (3), West Jaintia Hills (11), East Jaintia Hills (4), Ri-Bhoi (12), West Garo Hills (19), South West Garo Hills (4), East Garo Hills (8), North Garo Hills (3) bad ha South Garo Hills (8).
Ka la iathuh ruh ba ka jingdon jong ki pulit ka long ha East Khasi Hills (229), West Khasi Hills (57), South West Khasi Hills (29), West Jaintia Hills (104), East Jaintia Hills (28), Ri-Bhoi (93), West Garo Hills (172), South West Garo Hills (46), East Garo Hills (39), North Garo Hills (17), South Garo Hills (52), ha ophis ADGP (Fire and Emergency Service) (7) bad ha ophis u Superintendent of Police (F&ES) (2).