Palat 20 ngut ioh bat ka KSU bad FKJGP na Pynursla ia ki bar jylla

Shillong: Ka KSU bad FKJGP mynhynnin ka sngi, ka la ioh bat kumba 23 ngut ki nongbylla bar jylla ki khlem biang ki kot ki sla. Ia kine ki bar jylla la ioh bat na Pynursla katba ki dang kiew na thain Lyngkhat ban leit krih shano re.Kine ki dkhar ki kam ba ki dei kiba wan trei na ka jingker sainar na khappud na thain Lyngkhat.

Ia kine ki dkhar la aiti noh sha ki pulit halor ka daw ba kim don ki kot ki sla kiba biang kum kita ki nongtrei kiba Labour License ne ka Work permit, la ong ki nongialam ka KSU samla V Sohkhlet bad FKJGP bah Edenfield Khonglam.

Ha kajuh ka por, kine ki seng kila maham ruh ia kino kino ki contractor ba na ka liang ka Seng kam ailad iano iano ruh kiba wanrah ne pyntrei ia ki dkhar khlem da pynbiang shwa ia kot ki sla ba donkam bad kan iai buddien ruh khlem shongthait ia kum kine ki contractor shim kabu.