Pakhang khlem pud, ka thain Leshka pyrshah ia ka MeCEL

Shillong, 13 Naiwieng:
Ka Synjuk 20 Shnong Association ka la rai ban pynlong da ka pakhang ba khlem pud ha ka thain Leshka ka ban sdang naduh lashai ka sngi 14 tarik. Ia kane ka rai la shim ha ka jingialang kaba la long mynta ka sngi Balang.
U Bah Portanri Pakyn tein uba long u President ka 20 Shnong Association ula ong, ba ka synjuk ka ka shim ia kane ka siem jam ban pynlong da ka pakhang ba khlempud ia ka Leshka, ka dei halor ka jingleh mynthi ka MeECL ban pynurlong ia ki jingdawa na bynta ban pynshkem ia ki Casual Labour kiba la trei la bun bun snem.
Ula ong, na ka liang ka synjuk ka la dawa ban pynshkem ia kitei ki nongtrei naduh ki snem ba la dep, bad ki bor ka MeECL ruh ki la kular ba kin sa leh hynrei kine ki jingkular ki long tang ban shu pynbiej kai namar hadien ba la kut ka por ruh kim shym leh eiei.
Halor kane, ka synjuk ba kynthup ia ki 20 thylli ki shnong kiba shah ktah ha katei ka project, da kawei ka jingmut ki la rai ban pynlong syndon da ka pakhang trei ba khlem pud naduh lashai ka sngi tad haduh ba ka MeECL kan pynurlong ia katei ka jingdawa, ula bynrap.