![](https://www.urupang.com/wp-content/uploads/2024/07/DSC00677-12.png)
Shillong:Ka surok bah Shillong Dawki, ka la pait, ha Lad Umsyiem, ha kaba ka don ka thliew kaba jylliew bha, kaba don sha ka liang ka mon jong ka surok.
![](https://www.urupang.com/wp-content/uploads/2024/07/DSC00678-8.png)
La iathuh ba katei ka jaka kaba pait, ka dei ruh kaba don ka muri kaba kyrshan ia katei ka surok bad lada jia ba katei ka thliew kaba pait, kan nang heh, kumta kan lah ban dkut arliang ka surok.
U Rangbah Shnong ka Umsyiem, U bah SL Kongwang, haba iakren bad une u nongthoh khubor, u iathuh ba u don u maw, uba kyrshan ia ka muri, ha katei ka surok bad lada u pait sa utei u maw, kumta ka surok kan sa kad arliang bad ka don ka jingma kaba khraw ha kine ki sngi, ki ban sa wan, namar ba ka dei ka aiom slap, ha kaba ka um, kan sa rung bad khynra ia katei ka thliew kaba pait bad kumta kan pynjot thiaw ia katei ka bynta jong ka surok.
Ka jing pait jong katei ka surok, ka dei ruh ha ki bynta kiba sniew tam bad kiba don hajan ka jingkieng wah Umngot, ha kaba la dap da ki pung bad ki thliew kiba heh bad kiba buh jingeh shibun ia ka leit ka wan jong katei ka surok, ha baroh arliang jong ka jingkieng.
Phi don ban ong eiei?