Pahara ki pulit RAF ban teh lakam ia ka suk ka sain ha Shillong

Shillong: Ki pulit “Rapid Action Force” jong ka sorkar pdeng myn hynnin ka sngi ki la poi ha Shillong bad ka long ka sien kaba nyngkong ka ba la wan lam sha kane ka jylla ban pyndon kam ia ki na ka bynta ban iarap pahara ia ki pulit jong ka jylla na ka bynta ban wan rah ia ka jingshong suk ha ka jylla.

Ki pulit RAF kiba la poi ki don 110 ngut bad la pyndon kam ia ki ba kin pahara ha ki bynta jong ka Khyndailad bad ki bynta jong ka Motphran.

Katba ha Sohra pat ia ka korphiw la pynjari naduh ka por 6.00 baje mynta ka jan miet haduh 8.00 baje la shai mynstep. Kumba ka long haduh mynta kam shem la don kano kano ka jingjia bad ka jingshong suk kala sdang ban wan phai biang ha kane ka jylla