Ot pdot u kñi ia ka pyrsa ba dang 7 snem

Shillong, 8 Jymmang:
Ka khynnah kynthei kaba dang 7 snem karta na ka shnong Umthied Bynther ka shnong kaba jngai tang kumba 3 kilomitar na Mairang ka la shah pyniap ha la u jong u kñi. Katkum ka khubor ba la iohlum la iathuh ba utei u kñi katei ka khynnah u dei uba la tip kyrteng kum u Balajied Nongrum . Laiathuh ba ha ka por 2 baje nohphai sngi u la khot ia katei ka pyrsa jong u sha ing sah jong u bad la ong ba u la ot ia u ot da ka wait na u pdot jong ka bad namar ka jingphlei snam ka la iap noh. Hadien la ong ba u la leit bret ia ka metiap jong ka sha ka jaka kaba jngai kumba 200 mitar na ka jaka ba u la pyniap. Ki pulit ki dang tohkit ia katei ka jingjia bad la phah ia ka metiap jong ka sha Hospital ban eksamin ban tip la ka la shah batbor ne-em.