Ot ki nongtuh ia ka tala, rung ha Bank ha Rymbai

Jowai, 3 Naitung:
Ka kynhun ki nongtuh ki la prong ia ka bank Nongkyndong lane ka Meghalaya Rural Bank, Rymbai Brank bad ki la ioh ban rong haduh 3 tylli ki kor Kompiwtor kiba pyndonkam hapoh katei ka Bank.
Ka nongtrei jong katei ka bank ka la kyndit ban iohi ba ka jingkhang ba na shadien ka la plie bad ia u tala la dep ot haba wan trei mynta ka step sngi Nyngkong.
Ka Bank ka la khang naduh ka sngi Saitjain bad ha ka sngi U Blei bad ym lah ban tip mynno ki nongtuh ki la rung shapoh katei ka bank la ha ka miet sngi Saitjain ne miet sngi U Blei.
Ki Pulit ka East Jaintia Hills ki la iathuh ba kitei ki nongtuh kim shym la ktah ia kaei kaei laitnoh tang ia kitei ki lai tylli ki kor Compiwtor.
“Kim shym la rung wat shapoh kamra u Manager bad khamtam sha kamra kyrpang (Strong Room)”, la ong ki pulit kiba tohkit ia kane ka jingjia.