Orpait ka Dam ba bret ia ki eit Uranium

Shillong, 22 Iaiong:
Ka KSU South West Khasi Hills ka la lap ha ka jingleit jurip jong ka ba ka Dam kaba ju buh ia ki jakhlia Uranium kaba don ha Mawthabah ka la or pait bad ka la ong ba katei kan buh jingma ia ki paidbah katei ka thaiñ.
Katei ka seng lyngba ka kyrwoh khubor na u General Secretary jong ka, u samla Forwardman Nongrem ka la pynrem ia ka Ministry of Atomic Energy ka bym shym la shimkhia ban pynthikna ba katei ka Dam kam dei ban lait shabar, ka KSU ka la ong ba ka jingor pait katei ka Dam ka buh jingma ia u paidbah namar ba kan pynmih ia ka lyer bih kaba ktah ia ka jingkoit jingkhiah ym tang ia ki briew hynrei kan ktah ia ki mrad bad ki jingthung jingtep ruh.