Ong U President MPCC “Thok ka NPP, ia U bah Prestone” Ailad shwa, ba un trei kam 2, 3 bnai, ai jubab U President NPP

Shillong:Hadien ba u Bah Vincent H Pala, u ba dei u MP ka Lok Sabha na Shillong Parliamentary Constituency bad u ba dang shu shah thung shen kum u President bathym mai jong ka Meghalaya Pradesh Congress Commmittee(MPCC), u la kynthoh ba ka seng National People’s Party(NPP), ka la thok la shukor ia u paidbah da kaba la ong ban ai shuki Myntri Rangbah ka Jylla sa ia u Bah Prestone Tynsong u ba bat mynta kum u Symbud Myntri Rangbah ka Jylla, ha kaba iadei bad kane na ka liang jong u President jong ka National People’s Party(NPP) ka jylla Meghalaya, u Dr WR Kharlukhi ha ka 1 tarik u bnai Nailur 2021, u la ong ba u Bah Vincent H Pala u dang shu shimti ia ka shuki President ha ka ophis dang ha kine ki khyndiat sngi mynta, kumta la dei ban ailad shwa ia u ba un peit bha shwa ia ki file kiba iadei bad kane bad hadien kumba ar bnai ne lai bnai eiei pat kin sa iakren bha ha kaba iadei bad kane ka bynta.