Ong U Modi ban nym shim subsidi lyer shet ki  MLA/MP ka BJP

Shillong, 9 Iaiong:
U Myntri Rangbah duh ka ri u Narendra Modi u la buh ia ka jingkyrpad ia baroh ki MLA bad ki MP ka BJP ba kim dei ban shim subsidi na ki tyn dong lyer shet(Cylinder gas).
Katkum ka jingia thuh u heh ka BJP kane ka jylla u Bah khlursing Lyngdoh, u la ong ba u Modi u la bthah ia baroh ki MLA bad ki MP ka BJP ba kim dei ban shim subsidi na ki tyndong lyer shet namar ba ka skhim Direct Benefits Transfer for LPG(DBTL)kaba u la pyntreikam ka dei na ka bynta kito ki briew kiba kham duna ka jingioh jingkot.
“Baroh ki MLA bad ki MP ka BJP, kim dei ban shim subsidi tyndong lyer shet khnang ba kin ioh ban sam jingiarap sha kiba duk”, la iathuh une u heh ka BJP u bah Lyngdoh.
U Bah Lyngdoh u la ong lada tang ki MLA bad ki MP ka BJP kin nym shim subsidi na kane ka skhim lyer shet, ka sorkar ka la lah ban pynlang haduh T. 200 klur tam eiei kaba u Modi un thmu ban theh pat sha kiba duk.
“Ia kiwei ki MP bad ki MLA bym dei jong ka party, u Myntri Rang bahduh um shym la buh kano kano ka jingpyrpad ban nym shim subsidi hynrei kan dei ka jing sngewthuh jongki hi namar ba ia kane la skhim la thmu na ka bynta kiba duk bad kham duna ka jingioh”, la ong u President ka BJP Meghalaya.
Ia kane ka skhim ai subsidy tyndong lyer la plie da u Myntri Rang bahduh kum shi bynta ban ai jingiarap ia kito ki longing kiba duna ha ka ioh ka kot khamtam ia kiba duk ba suk.
Dei namar kane ka daw ba u Modi u la bthah ia baroh ki heh spah ba kim dei ban shim ia kane ka subsidi khnang ba kane ka jingbym shim subsidy jong ki, kin ioh ban ai jingiarap ia kiba duk.