Ong U Ma Passah “Ka BJP, kum ka seng kaba synshar ia ka India” ka dei ban don bynta, ha ka kam pynbeit pud hapdeng ka Assam Meghalaya

Shillong:Ha ka jingkhot jingialang u myntri rangbah ha shwa ka Christmas, U Rangbah Shnong ka Rata cherra, u iathuh ha khmat u myntri rang bah, ba kam don satia kano kano ka jing ia kajia “Uba pli, lehse um sngewthuh” ong U Ma Philomath Passah, ha ka jingiakren bad U Rupang, ha ki khyndiat sngi ba ladep.

“Phi i katai ka Ratacherra, ka Assam, ka la kam ia ka, ka la khein ba ka dei ka bynta jong ka Assam. Ki pyrshang ban buh mawpud, hynrei ki nongshong shnong ka Ratacherra, ki beh ia ki, ki sei ia ki mawpud, kata kam solve ia ka problem, dei ban don u pud uba shisha; te ha kato ka sngi, ba ki long meeting shwa ka Khristmas, la don ba iathuh ia nga, da kiba leit meeting hangto, ba uta U Rangbah Shnong Ratacherra, u ong ba kim don jing ia kajia, u mawpud ba ki sieh, ngi la weng. Kata kam solve ia ka problem” ong biang U Ma Passah bad u ong ba ha ka jingshisha, ka dei ban don da ka dulir, kaba pyni ia u pud jong ka Assam bad U Ma Passah, u ong shuh shuh, ba na ka bynta ka jingbha jong ki pateng ban sa wan, u dei ban don u mawpud uba shai bha bad u kren bynniaw ruh ba ka Regional Committee kam khot ia ki riew rangbah, kiba tip ia ka histori bad u ong, ka long kaba eh bha bad kan nym poi shano shano ruh lehse bad U Ma Passah, u pyn kynmaw, ba ka sorkar India, ka la bthah ia Assam bad ka Meghalaya, lem bad kiwei de ki jylla, shatei mihngi, ba ki dei ban pynbeit noh ia kine ki jing ia kynad kam pud, ha shwa ka jingdap 75 snem jong ka India.

Halor ka jing kylli, la U Ma Passah, uba dei u dkhot jong ka seng BJP, u sngew iahap ne em, ban pynbeit pud hi hapdeng ka Assam bad ka Meghalaya, lane ba kan tuklar noh da ka sorkar India, khlem shah liang iano iano, U Ma Passah, ula ong “Nga kum u dkhot jong ka parti, nga la ai jingmut ia U President jong ka BJP, ban iadon bynta, ban solve ia kane ka boundary problem bad ka Assam, kum ka parti. Ki briew ruh ki khmih lynti ia kata mo. Kum ka BJP parti, kaba synshar ia ka Union Government ha Delhi, ki khmih lynti, ba kan iarap; hynrei ka parti kam shym la leh eiei ruh em. Ka don ka komiti, kaba la thung, ka boundary komiti, kam shym trei trei kam, ngam tip na kano ka daw” ula ong biang.