Ong U Himanta “Weng ejahar ia U MP ka Mizoram” yn weng sa ka Mizoram, ia ka ejahar pyrshah ia U Himanta

U Himanta Biswa Sarma, myntri rangbah ka Assam, mynta ka sngi, ula bthah ia ki pulit jong ka Assam, ba kin weng noh ia ka ejahar pyrshah ia U MP ka Mizoram, U K Vanlalvena.

U Sarma, u ong ba katei ka dei ka jingsngew burom ia utei U MP, katba u ong shuh ba ka ejahar ia kiwei ki pulit, kan iaid beit, kumba ka long.

U Sarma, u ong ba ula pule ha ki khubor, ia ka jingkren jong u myntri rangbah ka Mizoram, ha kaba u kwah ban ia kren ia sngewthuh jingmut ia u pud u sam bad halor katei ka mat, u Sarma, u ong ba u kwah ban pynneh ia ka mynsiem jong ka jing sngew jong ka thain shatei lam mihngi.

Hynnin ka sngi, U Chief Secretary, ka Mizoram, U Lalnunmawia Chuango, ula ong ba ka Mizoram, ka mynjur ban weng noh ia ka ejahar pyrshah ia U Himanta Biswa Sarma, myntri rangbah ka Assam, lada kam don ka jingwit jong ka ain bad ula ong ba un iakren bad ki heh pulit, na ka bynta ban weng noh ia ka kyrteng jong U Sarma, lada jia ba kam don kano kano ka jingwit, ha ki kyndon jong ka ain.