Ong U bah Teibor, ba um lehrain ban trei, wat la u shah rem MLA

Shillong:U MDC ka Mawlai u Bah Teiborlang Pathaw u la ong ba um lehraiñ ban trei na ka bynta ki paidbah ka Mawlai constituency, wat la u la shah rem ha ka election MLA ha u snem ba la dep.

Kane ka jingkren jong u Bah Teibor ka long hadien ba u Bah Ardent M Basaiawmoit uba dei u president ka VPP, u la kynthoh ha kawei ka jingïalang ha Mawlai, ha kaba u la ong ba u Bah Teibor um dei ban leh MLA jubor bad u dei ban lehraiñ hadien ba u la rem ha ka ekection.

Na ka liang u MDC u la ong ba um lehraiñ bad un bteng ban trei na ka bynta ki paidbah bad ki paidbah ruh kim dei ban lehraiñ lada ki donkam ia u kiba u lah ban iarap.

U la ong ba haduh mynta ym don uba lah ban khang ia u ban trei na ka bynta ki paidbah bad lada u shah rem noh kum u MDC ruh um lehraiñ ban iaitrei lada ki paidbah ki donkam.