Shillong:U Nongialam ka UDP uba dei ruh u myntri sorkar jylla, u bah Paul Lyngdoh, u la ther ia kito kiba kynnoh ia u, khamtam ba um leit sha jaka shah thngan u bah Ardent M Basaiawmoit ha kane ka taiew ba la leit.
“Nga la iohi ia ki video ha ka por ba nga kren ia ka Reserva tion Policy ha 2002. Wat la 20 snem myn shwa nga la kren ia ka Reservation Policy, hangno ki video ba kren Reservation Policy u bah Ardent. Ngim shym la thnum ia u bah Ardent wat haba um kren ia ka Reservation Policy”, la ong u bah Paul.
“Ka jingkylli balei ngam leit sha jaka shah thngan, ka thong jongnga kum u MLA, ngan pyndep ia ka kam ha ka cabinet, nga la kren ha ka cabinet, wat la ngam lah ban iathuh ia kaei kaba nga la kren ha ka cabinet, namar, lada ngan iathuh, nga pynkhein ia ka kular ia ka jingbam smai kum u myntri”, u la bynrap.
Haba ther ia ka jingpynkhih win jong u bah Ardent ka VPP, da kaba wer ia ki paidbah, u bah Paul u la ong ba kam dei ban shu kiw kiw kaw kaw palat namar ba kan pynioh lad pynban ia kiwei ki jaitbynriew khamtam haba ka kashari ka don hajan. “Ka kam synshar khadar ka long kaba kyntang, kam dei ka jingiakop leh drama, ban pyni mano u dei u Hero, mano ba long Heroin”, la ong u bah Paul.
“Kano kaba pynmyntoi ia ngi, ngim dei ban kyrkaw than shabar, da kaba kyrkaw, da kaba leh drama, ka khring ia ka Kashari ban peit khmat ia ngi, bad mynta da kaba kyrkaw palat, kiwei ki jaitbynriew kum ki Muslim, kiwei ki jaitbynriew ba sah hangne ha jylla ruh kila dawa shaei ka bhah thungkam jong ngi”, la ong myntri ka tnad jngohkai ka jylla.
U la ong ba ka jaitbynriew kam dei ban shu hun tang ha ki ka rit kam ria ne kam sorkar hynrei ka dei ban don ka jingiakhun ban poi sha kyrdan ba shalor. “Nga la iakynduh ia ki Khasi ba trei saiantis niwkliar shabar ri ha ri Europe, ngi don u Khasi ba long Chief Election Commissioner ka ri India, ki ong, ong sha shnong jong phi, ki dang iapyrkhat ban long chowkidar seh. Kumno ngin ai mynsiem ia ki samla ban leh bha. Kat ka jingstad jong ngi, ngin tan pynban ia u paidbah ban ieh noh ia ka kam ka jam ban ong ba kane (Reservation Policy) ka dei ka iap ka im jong ka jaitbynriew. Ka kam sorkar ka lait tang kumba 500 tylli eiei haka shi snem, lada iaphiah ngin ia ioh tang mar 150 ngut”, u la ong u bah Paul, bad, “Lada ap kam sorkar sa shi hajar snem ruh u Khasi ba la nang la stad um ym ioh kam shuh”. Haba ai jingmut ba ka jaitbynriew ban don ka mynsiem iakhun ym ban shu hun ha ki kam peon, tang ban ioh kam sorkar ha ki directorate. “Lada ka jingthmu jong ngi ka long tang ban ioh kam sorkar, kam peon, ngin ioh kam ha directorate, kata ka pynlong ia ngi ban ym kwah ban leh bha, ka pyrthei ka kwah ia ka jingtbit, u nong India u la long Myntri Rangbahduh ha ri Bilat, katba ma ngi, ngi dang kwah ban long Boss tang ha Directorate, kum kata ka jinghikai”, la buh jingkylli u bah Paul.
U bah Paul u la kynthah ruh ia ka jingleh u bah Ardent ba ka long kumba pynshlur ban wanrah ia ka jingsynshar ki paidbhur, ym da ka synshar paidbah. “Ngi hap ban sngewthuh, kijuh ki briew kiba pynlong jingduwai paidbah, kiba ong ban burom ia ki nongsynshar paidbah, lada u klas 8, klas 9, un batai noh ia nga kumno ban shna ain, te ka bha ngan ym leit shuh sha NEHU, ngan neh beit ha klas 8, ne 9 ka la biang. Kane ka dei ka jingpynshlur ia ka jingsynshar paidbhur, ym ka synshar paidbah”, u la ong.
Bah Paul lada phi ieng na u paidbah kumno phi ong ba u ba class 8 class 9 wat wan batai….. lada kumta ngan ong ia phi por election phi leit khroh vote tang ia kita kiba na nehu…. jin lada phi donkam ia u paidbah baroh ban jop kynmaw ki dei ki class 8 class 9 jan baroh. Ka jingkylli ka mih ruh ba hato ka NEHU kadei the topiest institution ha india ne dang don da kiwei . lada dang don da kiwei wat sngewba phi la nang lastad namar ia ka NEHU la mang na bynta ki tribal kiba ki khot ki riew khlaw. imat ka jingduna ha ka rynieng jong u ka pynduna wat ia ka jingmut jing pyrkhat ruh. U ong ba u garo u long uba stad laju don u garo u ba shun ia u para garo lada u kren ia ka mat ka jait bynriew. Ne u ta u ba khot ialade u stad u dei u ba duna tam namar ia u la shah hikai tang kumno ban woh daw kumno ban peit ia ka jing duna jong kiwei. um ju ioh ia ka jing hikai kumno ngin ia pynbeit lang. Hikai ialade bah Paul ban long biang u khlur kari ym u crorepati
ka sorkar ka dei ban wat ka lad ia ki jaid bynriew ki ba kwh seng kam lade hynrei ki ba kwh kim kot pat ka bor ha jingduk kadei ban wad ka lynti ba kumno ngin leh ban kiew ka roi ka par ha ka jylla namr ka jing shim kabu ki briew shimet ha jing pynkiew ki bai dukan ka bai advance kaba heh haduh katta katta u ba duna ka jing ioh tang ba pyrkhat ka bai advance dukan ruh ki long duh mynsiem noh kum ki khynnah samla nga shem ka long ka ba eh ka sorkar ka dei ban khmieh ia kane ba kan long ka dor ka biang bad shidor habaroh ka jylla khnang ki nong shim kabu kin num ioh bad kan long ruh ka lad kaba pynjem mynsiem ia ki ba duna ha jing ioh namr man u briew u don la ka jong ka jing stad te lada ka sorkar ka shim khia iakane nga ngeit ba bun u jaidbynriew u ba kwh seng kam lade bad ka sorkar kadei ruh ban khmieh ha ki loan na bynta ki jaid bynriew ki ba kwh seng kam lade ba kan long ka intrest ka ba duna.hyndait