Shillong: Ki nongpule jong U Rupang.com, ki ai jingkhein ba kan wan ka sorkar Congress + UPA mynta ka sngi ha Delhi, ha kaba na ki 978ngut kiba vote, ki don 321 vote lane 33 percent, kiba shim ba ka sorkar thymmai mynta ka sngi, kan dei na ka Congress lem bad ki kynhun ba ka ia treilang, katba 277 vote lane 28 percent, ki ai jingkhein ba kan wan ka sorkar BJP lem bad ki paralok jongka, ha ka kynhun National Democratic Alliance (NDA).
Ki nongpule jong U Rupang.com kim shym la ai jingkhein satia ba kan wan ka sorkar shi seng lada dei na ka Congress ne ka BJP ruh kumjuh.
Ha kaba iadei bad u nongjop MP na Shillong, na ki 981ngut kiba vote, ki don 517 vote lane 53 percent, kiba shim ba un jop biang U Ma Vincent Pala, katba 428 vote lane 44 percent, ki shim ba un jop U Bah Jemino Mawthoh.
Katei ka jing vote, ka dei kaba ngi la sdang pynmih naduh ka 18tarik mynta u bnai bad ki nongpule, ki la ioh lad ban shim bynta ha kine ki san sngi ba ladep.
Ngin sa ia peit sa khyndiat kynta ban tip ia ki jingshisha. U Rupang.com, un buddien ia ki result mynta ka sngi na bynta ka Shillong, Tura bad ha kylleng ka India ruh kumjuh.
Phi don ban ong eiei?