Ha ka jingshem bad ka jinglap jong nga kum uwei u Riew Rangbah napoh West Khasi Hills District Nongstoin, ban sumar ha ka shitom ka shipa lada pang ne shitom dei ka lok kaba lah ban sumar ia la u lok naduh khlieh haduh kjat, kumjuh ruh lada ka shitom lane pang ka lok dei u lok uba lah ban sumar ia la ka lok uba lah haduh kjat. Hooid ki khun ki kti ne ki kur ki jaid ki lah ban sumar ha ka shitom shipa, hynrei kim lah pat ia la u lok, ne kumba sumar u lok ia la ka lok. Ki khun ki kti ne ki kur ki jaid ki lah ban sumar ban pynbiang ia ka bam ka dih, ka kup ka sem. Hynrei kim nud pat ban ktah haduh ki jaka ba kyntang, kumba nud ka lok ne kumba nud u lok haduh ki jaka ba kyntang. Hynrei kaba sngewsih ha kine ki sngi kiba mynta bun ka lok ka ibein ia la u lok bad u lok ruh u shoh ia la ka lok. Kane ngi iohi bunsien ha ki kot khubor. Kumta nga kum uwei u rangbah nga kyrpad ia phi ki longkmie to wat ibein ne leh bein ia la u kpa ki khun bad kumjuh ruh nga kyrpad ia phi ki longkpa wat lehbein ia ki longkmie kiba dei ki kmie ki khun. Namar ka ktien u Blei ruh ka ong na ka bynta ka lok yn iehnoh ia la ka kmie ia la u kpa ban ia shong iasah ryngkat bad la ka lok haduh ka sngi ka jingiap. Lait tang ka jingiap ban pyniakhlad ia ka lok ne ia u lok ia ka jingiadei shilok. Ngi lap bunsien kito kiba iap hadien, ki shem shitom bha ynda ki shitom ne pang, lada iap shuwa ka lok ne u lok ruh. Khamtam eh lada iap shuwa ka lok, u lok u shem jynjar bha ynda u la shitom ne pang ym don shuh ka nongsumar kaba biang. Hynrei lada iap shuwa u lok, ka lok te wat lada shitom ne pang ruh dang kham suk. Dang sumar ki khun namar ki khun ki dang don ban sumar ia ka kmie naduh khlieh haduh kjat wat haduh ka jaka ba kaba kyntang ki dang nud ban sumar para kynthei. Kumta nga kyrpad ia phi ki para rangbah baroh to ngin nym ibein ne lehbein ia ki kmie ki khun. Namar dei ma ki kiba long ki nongsumar kiba biang tam ban sumar ia ngi ha ka shitom ka shipa ha ka jynjar ka lanot.
N.S Marbaniang
Phi don ban ong eiei?