Shillong, 05 Rymphang:
Ka jingialang jied nongkitkam jong ki samla bad nongkyrshan ka United Democratic Party na East Khasi Hills District la pynlong ha ka 2 tarik u Rymphang ha ing sah jong u President Rangbah kane ka Party u Bah Donkupar Roy. Ha kane ka jingialang la ia donlang ruh nalor u President Rangbah, u Bah Titos Chyne bad kiwei kiwei ki nongialam ba ha khmat jong ka Party.
Ha kane ka sngi la jied ia u Bah Hamlet Dohling kum u President ka UDP Youth Wing jong shiphew tylli ki Constituency kiba hap hapoh ka East Khasi Hills bad lai ngut ki ban bat ia ka kam Vice President kiba long u Bah Teibok Kurkalang, u Bah B Kharumnuid bad u Bah Rymphang Wanswai. Ia ka kam General Secretary la bynshet ha u Bah Ryngkat Lyndem katba ia ka kam Assistant Secretary la pynkhamti ha u Bah Kestar Warjri.
Ia ka kam Treasurer la aiti ha ka Kong Mary Kharmih. Ia ka kam Organising Secretary bad ia ka kam Assistant Organising Secretary la pynkhamti ha u Bah Arki Mylliemngap bad u Bah Ialamphrang Mylliemngap. Ia ka kam Information & Publicity Secretary la bat da u Bah Banijaijai Pyngrope.Ka jingialang ka la rai ruh ba baroh ki President bad Secretary jong ki Circle trei kam bapher bapher jong ka Party na East Khasi Hills kin dei beit kum ki Executive Member jong ka Executive Committee ka UDP Youth Wing ka East Khasi Hills. U Dr Donkupar Roy u la pynskhem ia ki nongkitkam ryngkat ki ktien kyrkhu kyrdoh ia ki ba kin kah ban trei bha ban wanrah ia u soh ba bha na ka bynta ka Party ym tang ha East Khasi Hills hynrei ha ka jylla hi baroh kawei.
Phi don ban ong eiei?