Shillong:Ka seng FKJGP Mawlai Circle ha ka 12tarik Jylliew, 2018 ka la leit ban noh synniang ia kawei ka skul kaba don ha Mawlai Nongkwar kaba kyrteng ka Seng Khasi Mawlai Special Training Centre, kaba don kumba 50 ngut eiei da ki phew spah tylli ki copies kiba pher bapher, ki let, ki rubber, ki jingkhrud let, ki colour pencil bad kiwei kiwe ki tiar ba donkam jong ki khynnah pule bad jong ka skul. Ha katei ka sngi lah iadon ryngkat naduh ki nonghikai skul baroh kum I Miss Air jyrwa, Miss E.Jyrwa, Miss I. Dkhar bad kiwei kiwei de hakaba kilah pynpaw iaka jingkren na ka liang ka jong ki iaka jing sngewnguh bad jingkmen kaba khraw ia ka Seng FKJGP Mawlai Circle ba lah ialam da u Bah Marbud Dkhar kum u President bad ki dkhot baroh ban noh jingiarap bad khamtam ban kynmaw ia kine ki kam barit naduh grass root ban kyntiew lem iaki khynnah pule ha katei ka skul. Haba ai jingkren na kaliang u Bah Marbud Dkhar ula ong ba u wan ban ai jingiarap bad ai mynsiem artad ia kine ki khynnah pule ryngkat ruh kumjuh iaki nonghikai skul khamtam baka dei ka skul ka bym long kum ki skul sngi. U lah ong ruh ba um tip na ka daw aiu ki hap leit skul miet lane ki wan naka long ing ba kham duna lane trei mynsngi, leit skul damiet pat, hynrei ka mynsiem bym pyndem jong ki ban wad jingstad ki khlem kynran dien satia u lah ong. U lah ban ruh ba bun ki Riewstad bad Riewpawnam jong ka pyrthei ki wan naka long ing ba duk kum u Nelson Mandela bad u Abraham Lincoln. U lah ong ruh ban kynmaw ba kiei kiei ba kordor barabor ki mih na ki jingeh jong ka jingim u briew ulah ong shuh shuh.
