Noh ka kali shariat, iap 4 ngut ha shen mynsaw jur 1

Shillong,7 Iaiong:
Ha ka janmiet sngi u Blei ha ka 6 tarik mynta u bnai, ha ka por 7:30 baje eiei, kawei ka kali Maruti Car Private kaba don ia u Number ML05 L 2964 ka la noh ha kawei ka riat ha lynti ban leit na Dawki sha Muktapur,Wests Jaintia Hills. Katei ka kali ka dei ka jong u bah Danial Khongsit na Dawki, katei ka kali ka la noh shariat bad ka la hap beit beit ha wah Amtyrngui kaba don hajan ka shnong Rhong kum lynti na Dawki Sha Muktapur.
Ha katei ka kali ki la don 5 ngut ki briew hapoh, ha kaba saw ngut na ki ki la iap hashen, katba uwei pat u la lait im bad don hapdeng ka jingmynsaw jur. Kitei ki saw ngut kiba la iap ki dei kiba la tip kyrteng kum u Ben Khong shing 21 snem na ka shnong Yarbamon Jan Umsyiem, East Khasi hill, u Sujit Patro 32 snem na Bakur Dawki, u Dinu Patro 24 Snem na Bakur Dawki bad u Pilu Deb, u ne ruh na Bakur Dawki u ba dei ruh u nongñiah kane ka kali. Uwei pat uba la lait im haduh mynta ym pat ioh ia ka kyrteng jong u , tangba la shu ioh jingtip ba u dei u khar Nepali na ka shnong Amlympiang ka shnong kaba don hajan Dawki.
La ong ba katei ka jingjia ka la jia katba kitei ki san ngut ki dang wan phai na ka jingwan lehniam jong ki na Muktapur ban leit sha Dawki . Haduh mynta ym pat tip ia ka daw ba katei ka kali ka la noh shariat namar ba u ba lait im u dang don hapdeng ka jingshah sumar ba la jur palat ki jingmynsaw.