Noh jingïarap ka HYC, sha ki lanot pluh ïing ha Lawse

Nongstoiñ:Ka Seng HYC Nongstoiñ Circle ha Ryngkat ka HYC West Khasi Hills District, myn hynnin ka sngi kala leit ban kner jingiarap sha ki lanot pluh ïing hapoh ka shnong Lawse West Khasi Hills District.

Katei ka long ïing kadei jong i kong Bilinda Nongsiej bad Bah Willbert Marweiñ kiba la duh noh ïa ka ïing ka sem hadien ba ki thylliej ding kiba klang kila ioh ban bam duh ia baroh ki jingdon jingem.

Katkum ka jingiathuh ki trai ïing la ong ba katei ka jingjia pluh ïing kala jia ha ka janmiet jong ka 1 tarik u Naiwieng hynrei donbok ba ha katei ka jingjia ym shymla don ba mynsaw tangba kaba sngewsih ka long ba kila duh noh ia ki jingdon jingem hapoh ka ïing baroh.

Ha kaba iadei bad kane ka bynta na ka liang jong ka Seng HYC ka kyntu jur ia ki bor ba dei peit kum na ka ophis jong ka C&RD Block lem bad ki nongmih khmat paidbah ba kin phai khmat lem ban noh jingïarap kyrkieh ia kane ka long ïing khnang ba kynioh kloi iaki jingiada khamtam haka ne ka por khriat.