Noh iap ka samla, ha pung ka Mem Jones ha Sohra

Shillong,29 Jylliew:
Kawei ka samla kaba la tip kyrteng kum ka Basana Mandal, 19 snem karta ka khun jong u Anil Mandal na ka shnong Saitsohpen, Sohra ka la bthat ia la ka jingim da kaba leit noh iap ialade ha kawei ka pung kaba la tip kum ka pung Mem Jones kaba don hajan ka Civil Sub division , Sohra. La ong ba katei ka samla ka la leit ban noh iap ha ka por 1:00 baje mynsngi bad la khwai ia ka met jong ka ha ka por 4:29 baje janmiet da ka jing iarap ki F&ES na Shil long. Ka khubor na ki pulit ka la iathuh ba la pyndep ia baroh ki jing donkam ha kaba iadei bad ka met jong katei ka briew.