NNSSCC:Mynta ka Quarter Final ba khatduh hapdeng ka Littlestar FC pyrshah ia ka Laban SC

Nongstoiñ: Ka jingiakhun quarter final kaba khatduh jong ka lympung 2nd Invitation Knock out Football Tournament 2018-19 bala pyniaid da ka New Nongstoiñ Sport Social & Cultural Club (NNSSCC) kan long biang mynta ka sngi ha kaba ka kynhun ialehkai jong ka Littlestar FC kan iakhun pyrshah ia ka Laban SC.
Ka Littlestar FC kadei ka kynhun ialehkai kaba don la ka shlem ai jinghikai hapoh ka thaiñ Bynther jong ka thaiñ West Khasi Hills District, katba ka kynhun ialehkai jong ka Laban kadei ruh kawei na ki kynhun kaba la bna nam bha ha ka thaiñ WKHD bad kumjuh ha ka nongbah Shillong khamtam ha ka lympung Shillong League bad kadei ruh ka kynhun kaba la shah pynliem noh ha ka phainal jong ka lympung RMKOFT ha Laitkseh.
Kumta la khmih lynti ruh ba katei ka jingiakhun Quarter Final kaba khatduh eh jong katei ka lympung ka ban long hadpeng kitei ki ar tylli ki kynhun khlem pep kam long ka jingialehkai ka ban itynnad bha bad katei ka jingiakhun kan long ha ka madan ialehkai jong ka shnong New Nongstoiñ bad ka ban sdang ruh naduh kapor 1:30 PM.
Na ka liang jong ka NNSSCC sa shisien ka khot ka wer ia baroh ki paidbah riew ieid phutbol jong ka thaiñ ba kin wan ban sakhi dala ki jong ki khmat ia katei ka jingiakhun Quarter Final kaba khatduh ka ban long hapdeng kitei ki ar tylli ki kynhun.