NNSSCC: Mynta ka sngi ka phainal hapdeng ka Laban pyrshah ia ka Umiam United

Nongstoiñ: Ka jingiakhun phainal jong ka lympung 2nd Invitation Knock out Football Tournamement bala pyniaid da ka New Nongstoiñ Sport Social & Cultural Club kan long mynta ka sngi ha kaba ka kynhun ialehkai jong ka Laban SC kan iakhun pyrshah ia ka Umiam United.
Katei ka jingiakhun phainal ka ban long hapdeng kitei ki ar tylli ki kynhun Kan sdang ha kapor 2:00 PM ha ka madan ialehkai jong ka shnong New Nongstoiñ bad na ka liang jong kitei bar ar tylli ki kynhun kila long kiba la pynkhreh ban ia mih madan na ka bynta ban iaknieh ia ka nam lahduh.
Kumta na ka liang jong ka NNSSCC sa shisien ka khot ka wer ia ki paidbah riew ieid phutbol jong ka thaiñ na jan bad na jngai ba kin wan ban sakhi dala ki jong ki khmat ia katei ka jingiakhun phainal ka ban long hapdeng kitei ki ar tylli ki kynhun.
Lah ruh ban ong ba katei ka jingiakhun phainal ha pdeng kitei ki ar kynhun khlem pep kan long ka jingiakhun ka ban itynnad bha namar ba baroh ar tylli ki kynhun ki long kiba ia khlain bor bha bad ki don ruh ia ki rangialehkai ba kynsai.