Nongstoiñ: Ka jingiakhun jong ka lympung 2nd Invitation Knock out Football Tournamement bala pyniaid ka da ka New Nongstoiñ Sport Social & Cultural Club (NNSSCC) kan long biang mynta ka sngi ha kaba ka kynhun ialehkai jong ka Khliehriat FC kan iakhun pyrshah ia ka Mawlot FC.
Katei ka jingiakhun ka ban long hapdeng kitei ki ar tylli ki kynhun kan sdang ha kapor 1:30 PM ha ka madan ialehkai jong ka New Nongstoiñ bad lah ruh ban ong batei ka jingiakhun khlem pep kan long kaba itynnad bha namar ba ka Mawlot kadei kawei na ki kynhun ba khlian bad ba paw nam jong ka thaiñ WKHD. Kumta na ka liang jong ka NNSSCC ka khot ka wer ia ki paidbah riew ieid phutbol jong ka thaiñ ba kin wan ban sakhi dala ki jong ki khmat ia katei ka jingiakhun ka ban long hapdeng kitei ki ar tylli ki kynhun.