Nongstoiñ: Ka kynhun ialehkai jong ka Nongrim Hills kala ioh ban khur ia ka jingjop ha ka lympung kynjatbol kaba la tip kum ka 1st Invitation Knock out Football Tournamement bala pyniaid da ka New Nongstoiñ Sport Social Cultural Club (NNSSCC).
Katei ka jingioh jong ka Nongrim Hills ban khur ia katei ka jingjop kadei hadien ba kala lah ban pynliem noh ia ka kynhun ialehkai jong ka Combine United da 4 kol la 1 ha ka jingiakhun kaba la long ha ka sngi Saitjain jong ka taiew bala lah ha ka madan ialehkai jong ka shnong New Nongstoiñ.
Ia ka nam Man of the Match ha katei ka sngi la ioh ban khur da u Jeffery Surong jong ka Nongrim Hills u bala lah ban ialehkai bha ha katei ka sngi bad na ka liang jong ka NNSSCC kala pyntip ba ka jingialehkai ka ban bud jong katei ka lympung Kan long biang mynta ka sngi ha kaba ka Board President XI kan iakhun pyrshah ia ka Legi FC.