Nongstoiñ: Ka kynhun ialehkai jong ka Khiemusniang FC kaba na ki thaiñ Jaintia Hills kala ioh ban khur ia ka jingjop ha ka jingiakhun pyrshah ia ka kynhun ialehkai jong ka Youngstar FC kata ha ka jingiakhun kaba khatduh jong ka wat kaba nyngkong jong ka lympung 2nd invitation Knock Out Football Tournament 2018-19 ba pyniaid da ka New Nongstoiñ Sports Social & Cultural Club (NNSSCC ).
Haba phai sha katei ka jingiakhun kaba la long hynne ka sngi ha ka madan New Nongstoiñ ka jinglah jong ka Khiemusniang FC ban khur ia ka jingjop kadei hadien ba kala lah ban pynliem noh ia ka Youngstar da 2 kol la 1 kol.
Ha katei ka sngi ia ka nam kum u rangialehkai ba kynsai tam la ioh ban khur da u Niewkor Kyndiah na ka Khiemusniang FC, bad na ka liang jong ka NNSSCC kala pyntip ba ka jingialehkai jong ka wat kaba ar lane ka Pre Quarter Final jong katei ka lympung kan sdang naduh ka 19 tarik mynta u bnai ha kaba ka kynhun ialehkai jong ka Laban SC kan iakhun pyrshah ia ka Nongrim Hills.