Nongstoiñ: Ka kynhun ialehkai jong ka 7 Wasa ka la ioh ban rung sa sha ka quarter final jong ka lympung 2nd Invitation Knock out Football Tournamement ba la pyniaid da ka New Nongstoiñ Sport Social Cultural Club (NNSSCC), hadien ba ka la ioh ban khur ia ka jingjop ha ka jingiakhun ia ka pre quarter final pyrshah ia ka Mawlai Mawtawar FC.
Ka jinglah jong ka 7 Wasa ban khur ia katei ka jingjop kadei hadien ba kala lah ban pynliem noh da 5 kol la 1 kol ia ka Mawlai Mawtawar ha ka jingiakhun pre quarter final kaba la long hynnin ka sngi ha ka madan ialehkai jong ka shnong New Nongstoiñ.
Ia ka nam man of the match ha katei ka sngi la ioh ban khur da u Nimphang Sumer jong ka 7 Wasa bad na ka liang jong ka NNSSCC kala pyntip ba ka jingialehkai ka ban bud kan long biang sa ha ka 8 tarik mynta u bnai ha kaba ka Littlestar kan iakhun pyrshah ia Board President XI.