Shillong:Ka jingialehkai jong ka Category 7 yrs jong ka Group A hapdeng ka PFR Team B pyrshah iaka St Thomas Pynthorbah jong Nissan Junior ba la pyniaid daka Pay For Right Shillong kaba la long ha ka sngi saitjain ha madan Shillong Public School kala long kaba itynnad bad shong shit bha ha kaba baroh artylli ki kynhun kila ia khun tyngeh ban khur iaka lai point, hynrei ha kaba kut noh ka jingialehkai ka PFR Team B kala lah ban pynliem noh iaka St’Thomas Pynthorbah da 3-1 kol. Iaka Man of the Match jong kane ka jingialehkai la ioh da u Rishotskhem Lyngdoh naka PFR Team B.
Ha kawei pat ka jingialehkai jong ka Category 10 yrs Group A ka St’Thomas Pynthorbah kala shu ioh khur ei iaka lai point hadien ba naka liang jong ka Wahlakhiat ki khlem lah ban poi sha madan ban ialehkai halor ka jing ia tyngkhuh haka juh ka por bad ka jingialehkai ka jong ki haka Baby League. Ka jingialehkai pat jong ka Category 10 Group B hapdeng ka Onside Rynjah pyrshah iaka PFR Soccer Camp, ka Onside Rynjah kala pynliem noh iaka PFR Soccer Camp da 4-0 bad lyngba kane ka jingjop ka Onside Rynjah kala ioh ban khur iaka lai point. Iaka MoM jong kane ka jingialehkai la ioh da u Winchester Marak naka Onside Rynjah.