NIFT Umsawli: Kynnoh ka KHNAM, ia ka jingthmu kawei ka ri, kawei ka ktien

Shillong: Ka KHNAM SYW, ka la leit ia kynduh ia ka Director ka NIFT ban pynpaw ka jingpyrshah ban thoh da ka ktien Hindi ha ka khyrdop heh jong ka NIFT ba thymmai ha Umsawli.

Ka seng ka ong ba kiba bun ki paidbah kim nang ban pule Hindi bad kane ka jingleh ka pynpaw ba kine ki tnat jong ka sorkar pdeng kim burom shuh ia ki rit paid bad ki pyrshang ban wanrah ia ka jingmut jong kawei ka kyntien ha kawei ka ri, kaba dei ka jingthmu jong ka RSS bad ka sorkar India. Kiba bun ki tnat jong ka NIFT sha kiwei ki jylla ki don, kum ban ai nuksa ka NIFT Chennai ka don, hynrei la thoh daka ktien Tamil shwa bud ki dak phareng. Ka KHNAM, ka ong ba kamm pdiang kum ia kine ki jingleh lada dei da kino kino ruh ki tnat treikam ka sorkar. Ka Director ka la Kumar ban pynkylla ia kine ki ktien Hindi da ka ktien phareng bad ktien khasi.