Ngin ym ailad ban khie khlieh biang ka HNLC, ong u SP

Shillong, 24 Risaw:
U SP ka East Khasi Hills u Bah Mariahom Kharkhrang u la ong ba ki pulit kin ym ailad da lei lei ruh ba ka HNLC kan khie khlieh biang ha kane ka ri Khasi Jaintia.
Ha ka jingshisha ka HNLC ka la pyni ia ka bor jong ka da kaba khot pa khang shnong ha kine ki sngi bad na ka liang jong ki pulit, ki la kut jingmut ban pynthikna ba kane ka seng lehnoh kan ym ioh jaka shuh.
Haba kren ha ki nongthoh khubor ha kane ka sngi Palei, u Kharkrang u la ong ba ngi don kam ban pynthikna ba ka HNLC kam ioh jaka shuh ban khie khlieh biang ha kane ka jylla”.
Ka jingong jong u SP ka long hadien ba ka HNLC ka la khot ia ka pa khang shnon ba 36 kynta ha ka sngi ba wan u President ka ri u Pranab Mu kherjee.
Halor ka jingkylli, u SP u la kubur ba don katto katne ki nong trei ka HNLC bad kiba don jingiadei bad na ka liang ki pulit kin leh ia kaba donkam ban pynthikna ba kim dei ban leh ia ki kam beain.
Kane ka kynhun ki lehnoh kaba treikam ha ki thain khappud, ka ju pynmih ia ki jingpynbna man ka por ha ka website “Facebook” ha kaba ka pynmih ia ki jingthoh bad ki jingpynbna.
“Ngi la wad ia ki lad ki lynti kumno ban khang lad ia kane”, la ong u SP. U la ong ba ki pulit ki la shim ia u nongpyndonkam ia ka facebook jong kane ka kynhun. U SP u la ong ba ki pulit ki shaniah ha ka agency ban wad ia ki jaka ba kane ka kynhun ka pyndonkam ia ka website.