Ngin thaw EC para seng riewlum hadien ka elekshon: KHNAM

Shillong, 04 Rymphang:
“Ngin thaw Executive Committee para seng riew lum hadien ka elekshon MDC 2014”, la ong u President ka KHNAM u Bah Pyndap borthiaw Saibon haba kren mynta ka sngi sha ki nongthoh khubor hadien ba pyllait ia ki kyrteng jong ki kyrtong ka seng.
“Ngin thoh sha ba roh ki seng riewlum kyn thup sha ka UDP, HSPDP halor kane”, la ong u Bah Saiborn.
U la ong ba ka KHNAM kan nym ailad ban thaw ia ka EC da ka Congress kaba dei ka party ba synshar na Delhi ka bym sngewthuh eiei ia ka jinglong jingman jong ka jaitbynriew ha kane ka jylla namar ba baroh la shu leh tang na Delhi ha kaba ki MLA bad ki MDC ki shu long tang ki si sam khmut.
Ha kajuh ka por, u president ka KHNAM u la ong ba ki mat jingdawa ka KHNAM ki long na ka bynta ban iada ia ka ri bad ka jaitbynriew na ki bor ba thmu ban pyntroin ia ka. U Bah Saibon u la iathuh ba ki mat ba ka KHNAM kan leit sha ki paidbah ki long ban pyntreikam ia ka rai jong ka Supreme Court ha kaba ki kynthei riewlum ne Scheduled Tribe kiba la ioh lok bym dei Khasi, kim dei shuh ban ioh ia ka jingmyntoi kum ki Khasi ne riewlum.
Ka KHAM kan dawa na ka sorkar ba ka dei ban pyntreikam ia ka ain iada na ka jingwan rung ki briew nabar sha kane ka jylla kum ka Inner Liner permit (ILP), ban jiar ne bishar bniah ia ka jingai trading licence ia ki bar jylla, ban nym ai pathar kat shaba lap bas hem, ban pynkhlain ia ka bor jong ki shnong kum ki rangbah shnong katkum ba la seng da ki longshwa, ban iada ia ka jingwan knieh ka Assam kumba la jia ha ka thain khappud ha Jirang bad ha kiwei ki bynta, bad kiwei de.
U la ong ba ka KHNAM kan dawa ruh ba dei ban pynkylla ia ka kyndon 12A ka Sixth Scheduled khnang ban pynkhlain ia ka bor jong ka district council.