Ngin nym shong kli kti, ba la ktah ia u khiew ja ki Khasi Jaintia, ong ki nongkhaii sha Bangladesh

Shillong:Ki nongialam jong ka Meghalaya International Exporters and Cham bers of Commerce (MI ECC), kiba na Khasi, Jaintia hills, ki don mynta ha New Delhi bad kitei kin mudui ha Supreme Court, pyrshah ia ka rai jong ka Meghalaya High Court, kaba khang ia ka jingshalan ia u maw shun sha Bangladesh.

Ki nongialam jong katei ka seng, ki don mynta ha ka New Delhi, na bynta katei ka jingpynkhreh ban ai mukotduma pyrshah ia katei ka rai jong ka High Court, ha ka 24tarik Naiwieng, 2022.

Kham mynshwa, na ka liang jong ka Meghalaya Steering Committee Minor Mineral, ka la don ha Delhi, na bynta ban iakhun pyrshah ia ka jingkhang khaïï mawshun shabar Ri, halor katei kajuh ka rai jong ka Meghalaya High Court bad ki la iakynduh ia ki Riew said aiñ ba pawkhmat jong ka Supreme Court badon burom ha Delhi, ha kaba ki la mudui ha pyrshah ia ka rai jong ka Meghalaya High Court.

Ka kong Dolly Khonglah, kaba dei ka nongialam jong ka MIECC, ka la pyntip sha U Rupang, da kaba ong “Ngin nym shong kli kti, namar ka la ktah ia u khiew ja ki Khasi Jaintia”.