Shillong 08 Nailar: U bah Lambokstar Marngar president ka Khasi Student Union (KSU) u la ong, ba ngin nym ailad ba ki phetwir na ri Bangladesh kin wan buhai shnong ha ka bri u hynniewtrep.
Ia kine ki kyntien u bau Lambokstar u la pynpaw mynta ka miet ha ki lad pathai khubor ha ka jaka ba ki pynlong ka jingiakhih ha phyllaw ka commission.
U bah Lambokstar u la pynpaw, ba ha ka jingshisha kane ka kam kadei ka ba ka seng ka la dep kren ha ki phew snem mynshwa ban buh ia ki jingiada ha ki khappud, hynrei mynta syndet syndet ka wan ka thma ha ka Ri Bangladesh jong ka jingiakhih ki samla ha kaba iadei bad ka bhah thungkam thungjam ha katei ka ri.
“Nakliang ka seng ian iai peitngor ha kaba iadei bad kane ka kam bad ka la bthah ruh ia baroh ki shnat treikam ki ba don ha khappud ban ia peitngor bad ki nongialam ka KSU West Jaintia Hills ka la leit ban iakynduh ia ki nongialam shnong han ai ka kti ka diang bad ka seng hi kan dang iai peitngor bha ha ki sngibban wan kaei ka ban jia”, ong u bah Lambokstar.
Ym tang katta u la bynrap ruh da ka ba ong, ba ka seng bad ka NESO ka ba don lang ha ka shatri jonga, ngi la dep ban pynher ia ka shithi sha u myntri rangbahduh ka ri u Narendra Modi bad ruh sha u myntri kam pohing ba kim dei ban ai ia kano kano ka jaka phetrieh ia ki nong Bangladesh hapoh ka Northeast hi baroh kawei.
Shuh shuh u la bynrap, ba ka seng ha kan sa nangiai buddien ha ki sngi ban wan bad ngin long ki nong peitbniah ha man la ki shnong man la ki thaw bad ban nym ailad ba ki phetwir kin wan shong wan sah ha ka bri u hynniewtrep jong ngi.
U MLA ka south shillong Sanbor u phah siat iap ia kiba rung tuh te shu buh ngi ioh ma ngi hapoh sor shillong ngin leh kumno?Bun ki nong die madan ki ioh jingiada lada phi peit ha iewduh,laitumkhrah…ngin hap wad ia kum kine namar ioh ki dei ki anti social elements ba dei jong ka Bangladesh national party