Ngin jop kham bun ban ia ka elekshon ba la dep: Sanbor

Shillong,28 Naiwieng:
U MLA ka 19th Shillong South konsti-twensi u bah Sanbor Shullai u la ong ba mynta ka kynti ha ka elekshon MDC shiteng samoi na Laban –Mawprem konsti-twensi ka seng NCP kan jop kham bun ban ia kaba u jop ma u ha ka elekshon MDC ba la dep.U la iathuh ba ha ka elekshon ba la dep u tam kumba ar hajar tam, hynrei ha kane ka kynti mynta u kyrtong katei ka seng u ba Ricky Shullai uba dei ruh u pyrsa kur jong u, un tam palat ia katei. U bah Sanbor u la ong ba ha Laban-Mawprem ki don 11 hajar ar spah tam ki nongthep vote mynta ka kynti.
Lah ban kdew ba don 6 ngut ki kyrtong ki ban ia khun na katei ka konstitwensi bad kitei kin kynthup ia u bah Ricky Shullai ka NCP, Banrikupar Wahlang ka HSPDP, Bankhraw Kharbuli ka KHNAM, Fedrick Lynshiang ka UDP, u bah Alowis Dohtdong kyrtong shimet bad u bah Hubert Marbaniang u kyrtong ka BJP.