Shillong: U bah Paul Lyngdoh EM ka tnad Trade ha KHADC u la ong ba ka KHADC kan ialeh ban bud ryntieh bad bishar halor ki kot ki sla iano ban pyllait bad iano ban khang,na ka bynta kito ki dukan jong ki bar jylla ia baroh ki jaka bahap hapoh ka jylli ka KHADC da kaba bud katkum ki kyndon jong ka 1954 bad 1959 kiba lakha na ka riti shynshar ka ri bad ka Six scheduled kiba la don shwa wat ban kha iaka jylla jongngi ruh .
Ia kane u bah Paul Lyngdoh u la iathuh haki nongthoh khubor hadien ka jing leit ia kynduh ki 33 ngut ki bar jylla ba la shah khang iaki dukan jongki ha Nongmynsong da ka KHADC ha kine ki khyndiat sngi ba ladep,bala ialam da u bah A.L.Hek MLA ka Pynthorumkhrah ba long ruh u Myntri ka sorkar jylla.
Shuh shuh,une u EM u la kyntu ruh ia ki paitbah ba kin da pule iaki rul ka konsil khnang ba kin shai, dakaba bynrapba kitei ki briew, wat la ki la sah slem haka jylla, hynrei kim ioh pat ia ki jing mynjur na u Rangbah shnong bad kan shimpor kumba shitaiew eiei ban bishar bniah ia ki ba lada lap ba ki iaid biang katkum ki kyndon sa lah ban ai jaka.U la ong ruh ba ki don ki laisen pateng daki kpa jongki ki ba laiap naduh 20 snem hynrei ki iai pyniaid iaki kam jongki khlem da leit pynthymmai ha KHADC .
Haba jubab,u la ong ba ka don ka jingaibor ba ka konsil kam da donkam ban da ai jingtip haba ka dei ban leit jurip iaki dukan hangno hangno hapoh u pud jongka,u da ai nuksa kum ba u nongniah kali um dei ban ap ba ka tnad DTO kan wan wad ia u ban kylli la u don laisen neem hynrei dei ma u u ban pynbiang shwa ba un shah bat ka kali.
Shuh shuh,u la ong ba ka jingkhynra kam pat dep,te kidon ki dukan ba kham hadien ki don kikot na u Rangbah shnong bad ki don ki bym don kiba pyni da ki ba laioh naduh 15 snem mynshwa,katba ka kyndon jongka konsil ka long ban ioh NOC na u Rangbah Shnong man la ka lai snem,iakane u la ong haba jubab iaka jingkylli.
Shuh shuh,u la jubab ba ka shuki jong u kam dei ban kohnguh tang ba don ba pynbor da kaba u ong, “Nga shong hangne ban pyndep iaka constitutional mandate bad ban pyntreikam iaka jingkitkhlieh jong nga kum u EM kumba nga la shim jing smai ngi ong khlem jingtieng ne jing shahliang,khlem da ieit iano ne isieh iano,” hynrei u la ong ban leh katkum ki ain ki kyndon bala pynkhamti hakaba wanrah ka jingiada ban myntoi u trai muluk ba ka kamai kajih ka khaii pateng jong ki jait bynriew ba dang tlot bor la dei ban ai iaki kabu kiba khambha kynthup naduh ki shnong kithaw,ki hima bad tnad sorkar ruh.
Shuh shuh,u la ong ba ka konsil naduh mynta kan pyntreikam noh da ka digital ban pynthymmai iaki laisen khnang ba kin ym iohlad shuh ban leh mon,bad u bah Hek u la leh iala ka kamram kum u MLA ban wan iakren, hynrei ma u ruh un leh laka kamram kum u EM,u la ong haba jubab iaka jingkylli.
Phi don ban ong eiei?