“Ngin ap shwa ba kin khot jingialang”

Shillong, 05 K’lyngkot:
U MDC ka HSPDP na Nongstoin Bah LG Nongsiej um pat kwah ban pynpaw eiei halor ka jingbyrthen pynshitom ka party tang namar ba u leit ban kyrshan ia ka kynhun People Democratic Forum (PDF) ha KHADC bad u kwah ba ka party kan khot jingialang ban iakren halor kane ka kynrum kynram.
U Bah Nongsiej bad u MDC ka Mawshynrut u Bah Morningstar Mawsor ki la shah byrthen ha ka party HSPDP ban pynngat da ka jingpynshitom kaba tyngeh namar ka jingleit kyrshan jongki ia ka PDF hapoh ka jingialam u Bah Pynshngain N Syiem kum u CEM.
“Ngin sa iapeit ha kine ki sngi, nga kwah dang ap ba ka party kan khot jingialang ban iakren ia kane ka kam. Haduh mynta nga dang don ha ka HSPDP”, la ong u Bah Nongsiej.