Ngim shah jem ia kiba pynpyut dawai: Dr Mukul

Shillong,
22 Rymphang: 
U Myntri Rangbah ka jylla u Dr Mukul Sangma nula ong ba ka sorkar kan nym map lada lap ia ka jingshisha ia kito kiheh sorkar kiba donkti ban pynpyat kai ia ki dawai kaba la kot sha kajinglut kaba T. 4.25 klur.
“U myntri ka koit ka khiah u Bah AL Hek u la iathuh ia nga ia kaneka jingjia. Nga la bthah ia ki ophisar sorkar ban ai ia ka kaiphodkaba bniah halor kane”, la ong u Dr Sangma haba kren bad ki nongthoh khubor dang shen.
U la ong ba ka sorkar jylla kan nym shim sting ia kane ka kam kabala pynlutkai ia ka pisa u paidbah.
“Lada lap ba ka long kaba shisha, yn pynngat da ka jingpynshitomkaba tyngeh ia kiba donkti”, la ong u Dr Sangma.
Ha kajuh ka por, ka sorkar kham mynshwa ka la thung ia ka ar tylliki komiti tohkit halor kane ha kaba ki dawai ki la sahkut smam hakudama ka NRHM  haduh ba ki la kylla pyut.
U Bah Hek u la pynbna ba u secretary ka koit ka khiah un khlieh iaka komkti ban tohkit ia ka jingpyut ki dawai katba u Additional chief secretary u Y. Tsering un khlieh ia ka komiti kaba iadei bad kajingthied ia ki dawai.
Kine ki komiti kin hap ban aiti ia ka kaiphod hapoh 30 sngi.Ia kine ki dawai la thied na ka NRHM ha u snem 2010-2011 bad ha2011-2012, ha ka jinglut kaba T. 4.25 .