Ngim pyrshah ia ka ka LUMPL ha Nongtrai: KSU

Shillong 29, Jymmang:
Hadien ba la don ka jingpynsngewthuh bakla na kiba bun ki liang halor ka nongrim ba ka KSu, Nongtrai Unit ka ieng ha kaba iadei bad ka jingleit iakhih paidbah ha Nong trai ha Phlangkaruh ha ka 20 tarik mynta u bnai ryngkat ka jingleit buh dorkhast ha ka ophis jong jong ka Lafarge Umiam Mining Private Limited (LUMPL), na ka liang ka KSU, Nongtrai ka pynshai paidbah kumne.
Ka KSU, Nongtrai Unit kam pyrshah iaka jingdon jong ka Lafarge Umiam Mining Pvt.LTD. ha Nongtrai.
Ym tang katta Ka, KSU, Nongtrai Unit kam don kano kano ruh ka jingujor pyrshah ia ka LUMPL halor ka jingpynjot mariang namar baa k jingshisha ka long ka LUMPL kan bud beit bud ryntih ia ki kyndon sumar bad iada mariang kum ka jingpynlong ia ka program Environment Day bad ka jingthung dieng man la u snem.
Hynrei ka KSU, Nongtrai Unit ka ieng skhem triang halor ka jingdawa jong ngi ia ka hok ba ki trai shong ki don ban ioh kam ioh jam bad ka jingsiew kham heh ia ka dor u maw bad kan iai bteng ban dawa ia ki hok jong ki nongshong shnong, ong ka kyrwoh khubor lyngba u Wanbok Reenborne president ka KSU Nongtrai Unit.