Ngim ong ia ki samla ba lada ki kwah jingiarap,kin kieng atiar shwa, ong U bah RG Lyngdoh

Shillong:Hadien ba u Bah RG Lyngdoh u ba dei u MLA barim ka seng Congress u la rai ban wanphai biang sha ka saiñ pyrthei bad ban pyniasoh biang ialade bad ka seng Congress, u la ong, ba um da iahap jingmut ban iakren bad ka seng Hynniewtrep National Liberation Council(HNLC), namar lada iakren bad ki seng kata ka mut kito ki briew hapoh ka seng kim bah khlieh bad kim kitkhlieh bad u la ong ba haba peit ha Assam ba don ka seng ULFA, haba la iakren iasuk bad katei ka seng ULFA, hynrei la mih pynban sa ka SULFA bad kane ka dang pynkulmar shuh shuh.

U la ong ruh ba haba peit ia ka seng ANVC hapoh Garo Hills bad la iakren bad ka seng ANVC, hynrei la mih pynban sa ka Surrendered ANVC bad kane ruh ka dang pynklumar shuh shuh.

U Bah RG Lyngdoh u la ong ba ki dkhot ka seng kim shym ia don ka jingkitkhlieh bad na kata ka daw u la ong ba ha ki por mynshwa ruh por ba iakren bad ka seng HNLC la iakren para marwei kiba la wan shimet shimet kum ki riewshimet. U Bah RG Lyngdoh u la ong ba ki don ki mukotduma kiba sahkut hap ban iaid shwa ban pyndep bad ka aiñ kan iaid katkum ka lynti jong ka.
Shuh shuh u Bah RG Lyngdoh u la ong “Ngim ong ia kiwei pat ki para samla ba lada ki kwah jingiarap na ka sorkar ki hap ban leit kieng atiar shwa ba kin sa ioh ka jingiarap”.