Nongpoh: Haba iadei bad ka jingkynnoh da kiba haiing jong ka (L) Kong Skilda Lyngdoh, kiba la kynnoh ba ka shnong Umran Dairy, ka la kyntait ban pyrta shnong hadien ka jingkhlad jong katei ka Longkmie, ka Dorbar shnong Umran Dairy lyngba ka Executive Committee kaba la long mynta ka sngi, ki la pynshai da kaba ong ba katei ka Balang Presbyterian Umran Dairy (M.R.B.P) KJP Synod Sepngi, ka la don hapdeng ki kynrum kynram mynta la 6 snem ei ei kaba la poi sha ka jingiaknieh Lum Jingtep, da kaba iakhun Mutkotduma ha ka District Council Court, Shillong, kata hapdeng ka kynhun kaba la ialam da u Tbn. P. Mynsong bad u Tbn G.T Lyngdoh.
Ka kyrwoh kaba la phah da ka Dorbar shnong Umran Dairy, ka la pynshai ruh da kaba ong, haba iadei bad ka jingkhlad ka Kong Skilda Lyngdoh, baroh arliang mamla kata ka kynhun kaba la ialam da u Tbn. P. Mynsong bad u Tbn G.T Lyngdoh, ki la wanrah la ki jong ki Court Order, ha kaba kawei ka kynhun ka pyni ia ka order kaba shah ban tep ha u Lum Jingtep Balang, hynrei kawei pat ka kynhun ka wanrah ia ka order kaba pyni ba ym shah ban tep.
Kumta ki nongialam shnong, haba ki la iohi ia kitei ki Court order jong kitei ki arkynhun na kajuh ka Balang, ki la leit mar mar ban kynduh ia u BDO ha Umsning, na ka bynta ban ioh ia ka kynja jingthoh ban ioh tep ia katei ka Longkmie, hynrei u BDO u la phah ia katei ka kam sha ka DC Ri Bhoi, pynban ha kaba kut kitei ki arkynhun kim shem la lah ban pynpoi ia kano kano ka jingthoh sha ka shnong.
Kumta ha ka janmiet 24 tarik mynta u Bnai, ka shnong ka la pynlong kyrkieh ia ka Executive Committee, na ka bynta ban pynbeit ia katei ka kam, ha kaba ka shnong ka la khot baroh ar kynhun, ban iakren sha ka jingiasngewthuh jingmut, hynrei kata ka jingkhot iakren da ka shnong kam shym la poi shano shano ruh.
Ka shnong haba ka la iohi ba katei ka jingiakren kam seisoh, ka la kyntu ia kitei kiba haiing ba kin tep noh ha u Lum Jingtep Shnong, hynrei katei ka longiing jong katei kaba khlad, kam shym la pdiang ia kata bad ki ong ba kin da pynbeit shwa bad ki la pyntip sha ka shnong ha ka por 11:19 baje mynmiet, ba yn tep beit ha u Lum Jingtep Balang. Namar ka jingbym pdiang da katei ka longiing ia ka jingai jingmut, ka shnong kam nud shuh ban pyrta shnong lane ban pynbna paidbah, namar ki tieng ioh ka long pynban kumba khot ia ki nongshong shnong kiba don ha la ka jong ka jong ka kynhun, namar ka shnong ka la dep ban iohi ia ki kam iania bad ka jingiapyni bor hapdeng kitei ki kynhun bad kaba la jia ha kine ki khyndiat bnai ba la dep.
Naduh ba sdang ki dei ki niam ia pait bad forever kan dei hi ka niam iapait kwah rhah kwah spah tang kum bakla tiak lah sha ot balang wat lada khlem shah ot balang badei la kajong ka kynhun ym ioh jingtep ko briew balei phim plied la ki khmat bad plied la ka jabieng balei phi kwah ban join ha kum kata ka balang. Balei phim pyrshang ban rung ha ka niam ka ba u Jisu hi u lah ai bor ban seng ha u Petrus.