Ngim lah shuh ban siew dor, na ka jingmyntoi na ka dud masi, ong U Modi

U Narendra Modi, myntri rangbah duh mynta ka sngi, ula pynsngew halor ka jingdonkam jong ka masi, ha ka imlang sahlang bad ha ka kolshor jong ka India bad katei ka long, halor ka jingthmu jong ka sorkar India, ban nang pynbha ia ka rukom im ki masi ha ka Ri.

Ha ka jingialang ha ka nongbah Vrindawan, jong ka Jylla Uttar Pradesh, kaba don jingiadei bad ka jingleh burom ia U Lord Krishna, la rai ban ai jingbam sha ki ki khynnah skul, kiba duk bad ki bym ioh bam satia ha la iing, ha ka jing lamkhmat jong ka  Akshaya Patra Foundation, U Modi, u ong “Ngim lah ban siew dor na ka jing myntoi, kaba ngi la ioh na ka dud masi bad kumta ka masi, ka dei ka mrad kaba donkam than ha ka imlang sahlang bad ka kolshor jong ka India”.

U Modi, ula ong ba ka masi, ka dei kaba donkam bha ban kyntiew ia ka roi ka par sha ki nongkyndong bad kumta ka sorkar BJP, ka la wan rah ia ka skhim, kum ka  Rashtriya Gokul Mission bad ka Rashtriya Kamdhenu Aayog. “Ki nongri masi, ki lah ban ioh ram mynta na Bank, ha ka dor kaba T.3lak, namar ba ki Bank, ki la plie ia ka lad  kaba kyrpang, na ka bynta jongki” ong U Modi. “Ngi la plie ia ka  Rashtriya Kamdhenu Aayog, ha ka mang pisa bad ka don ka pisa kaba T.500klur, ban peit ia ka masi bad ki jingdonkam bapher ban sumar bha ia ka” ula ong shuh shuh.