Ngi sngew ban jaw ummat, ba eh ki jingkylli ka Social Science, ong ki khynnah thoh matrik

Shillong:Ki khynnah skul ba thoh eksam matrik mynta u snem 2024 ha ka 15 tarik u lber 2024, kaba dei ruh ka sngi kut thoh eksam, hadien ba ki la mih na ki kamra thoh eksamin, ki la ud la nam ha kaba ia dei bad ka rukom set jingkylli ka MBOSE ki bym ia dei katkum na ka kot pule ba ki la pynkhreh bad trei shitom baroh shisnem.

Haba ia kren bad ki khynnah skul na ki skul ba pher ba pher ki ba wan thoh eksam sha KJP Higher Secondary School, Shillong, ki la pynpaw ia ki jingeh namar ka jingset jingkylli ka MBOSE ia ka sobjek social science mynta u snem kam wan katkum na ki kot kiba ki la pynkhreh.

Ki la ong ruh ba kiwei kiwei ki sobjek, wat la ki kham eh, hynrei ki dang lah ban thoh ne thaw hi, hynrei ia ka social science kim lah namar kim wan katkum na ki kot pule.

Ki katto katne ki khynnah ki la ong ba mar syn iohi ia ka kot jingkylli shwa ban thoh ia ka eksam ki la ktha khlieh bad smgew kum ban jaw ki ummat ban iohi ia ka rukom set jingkylli .

Ka la long ruh ka jinglehnohei ia ka jingtreishitom jongki, ban duh thiah duh dem ban pynkhreh bad ban pule ia ka social science, la iathuh ki khynnah skul.

Kumta na ka liang ki khynnah skul ki la kyrpad ia ka MBOSE, ba kin sngewbha ban iarap kyrpang ia kane ka social science