Shillong: U MDC ka Mawlai ba iasoh bad ka UDP u bah Teiborlang Pathaw u la wan phai biang sha ka kynhun United Democratic Alliance (UDA) hadien ba u la leit kyrshan sha ka United Democratic Forum (UDF) ba ialam u bah Latiplang Kharkongor hadien ba la khyllem noh ka Executive Committee bah Teinwel Dkhar ha KHADC.
Haba kren sha ki lad pathai khubor, u bah Teibor u la ong ba ka daw kaba pynlong ia u ban leit kyrshan sha ka UDF ba ialam u bah Latiplang Kharkongor ka dei namar ba ka don ka jingbym sngewthuh jingmut ha kato ka por hynrei mynta la pynbeit noh ia kane ka jingbym iasngewthuh jingmut.
“Ka jingmih jong ngi na ka UDA ban leit kyrshah sha ka UDF, ka dei namar ka jingbym iasngewthuh jingmut ha kato ka por”, la ong u bah Teiborlang.
U la ong mynta u la wan phai biang sha ka UDA hadien ba la iakren iapynbeit ia kane ka jingbym sngewthuh jingmut kaba la mih ha kato ka por.
Hynrei ha kajuh ka por, u la ong ba um shym la mih na ka UDP naduh ba u la iasoh bad u dang dei bad don ha ka UDP haduh mynta.
U bah Teiborlang bad u bah Paul Lyngdoh kiba dei ki MDC ka UDP, kila mih na ka UDA bad leit ban kyrshan sha ka UDF ba ialam u bah Latiplang Kharkongor hynrei mynta la sngewthuh ba kila rai ban wan phai biang sha ka UDA.
Ba ki kwah doh kyndang sa wanphai ym ban shakri jait bynriew. Da iohi dohmet te kaba lieh da sah sa ka shyieng te kaba iong. Ko ki jit rai khlem tynrai.