Ngi la ngiah ia U Garo, ngi kwah MR, da U Khasi, ong ki nongiew

Shillong:Hadien ba ki paitbah ka jylla, ki la pyndep hok ia la ka jong ka kamram ban thep ïa ka vote ha ka 27 tarik mynta u bnai ban jied ia ki nong mihkhmat ba thymmai sha Iing Dorbar Thaw Aiñ ka jylla, mynta ki paitbah, ki la kwah dik dik ban tip ia ka sngi ñiew vote ban ap ïa ka result kaba thikna lashai ka 2 tarik Lber 2023.

Na ka liang u nonglum khubor u Rupang, ula twat jingmut ïa ka sur u paitbah hapoh iewduh na bynta kane ka jingjied jong ki ia ki nongmihkhmat.
Ki katto katne ngut ki longkmie longkpa, haba kylli, ki la jubab ba baroh shikatta, ki la mad ïa ka kane ka sorkar MDA kam shym don ka jingpynhun ïa ki paitbah, lada phai ha ki 2 snem jong ka jing wan lynshop jong u Corona.
Ki la pynpaw ba kum ki paitbah, ki da kwah ban iohi noh ia ka sorkar kaba thymmai ban wanrah ïa ka synshar ka khadar kaba pynwandur ïa ka Jaitbynbriew bad ïa ka jylla hi baroh kawei.

Shuh shuh haba kylli ïano ki paitbah ki ibit ban long myntri rangbah ka jylla, ki la jubab da kaba ong “Ngi la ngiah ia u Jaitbynbriew Garo ban long myntri ngi kwah da u Khasi khamtam ki da pynpaw ia ka kata ka kyrteng kiba da thrang ban long myntri rangbah bad ka da sawa ïa u president ka VPP u Bah Ardent Miller Basaiawmoit, ban long u myntri rangbah ka jylla.