Ngi kyrmen ban jop, ong u kyrtong ka AAP

Shillong, 20 Lber:
U Kytong ka Aam Admi Party (AAP) na Shillong constituency u Bah Armerington Kharshi ing u la pynpaw ba un rah beit ia ka jingjop ha kane ka kynti da ka jingkyrshan jong ki paidbah.”Ngi dei kiba ialeh pyrshah ia ka bamsap hynrei ngi dei kiba don ka jingtip ruh ia ka politik”, la ong u Bah Kharshiing hadien ba la thep kyrteng mynta ka sngi Palei.
Halor ka jingkylli balei u kwah ban iakhun elekshon kum u Indian Forest Service (IFS) barim, u Bah Kharshiing u la ong ba ka long ka bym larkam ban shu shong ban ujor ia ka jinghiar dor ka synshar ka khadar ha kane ka ri namar ka jingkynrei

ka bamsap.
“Ngi dei ban iamih ban iashim bynta ban pynkylla ia kane ka rukom kaba sniew sha kaba bha ban pynkhuid ia ka bamsap”, la ong u Bah Kharshiing. U la ong ba um shym rung sha ka politk ban kamai spah hynrei ban iakhun na ka bynta kiba duk ba suk.
U Bah Kharshiing u la ong ba lada ka Jan Lok Pal Bill la pas ha ka ri, ka rukom synshar ha ka ri kan long kaba khuid bad kaba shai lang baroh naduh ka tnad sorkar kaba rit haduh kaba heh tam.