Ngi kloi ban pdiang ia kiwei ki seng saiñpyrthei ban rung NPP, ong u ma Sniawbhalang

Shillong: U National General Secretary ka NPP, u Bah Sniawbhalang Dhar u la ong ba ka NPP ka kloi ban pdiang ia baroh ki MLA na kiwei ki seng saiñpyrthei.

Haba kylli u la ong ba ka NPP ka khlem leit khot leit khroh ia ki MLA jong ka seng Congress, hynrei ki la leit iasoh hi bad ka NPP halor ka nongrim ba ki donkam ia ka roi ka par. Haba kylli, u nongialam ka NPP u la kyntait ba ka jingrung ki MLA ka liang pyrshah sha ka seng ba ialam ia ka Sorkar ka dei namar ka jinglah shiliang ha kaba iadei bad ki scheme kam pynroi, ha kaba u la ong ba ym don kawei ruh ka constituency kaba ioh lut ki jingdonkam ne kam pynroi, hynrei na ka liang ka Sorkar ka pyrshang pat ban pynbiang ia baroh ki jingdonkam.