Ngi khlem ia kren ban iasoh BJP:Robinus

Shillong, 14 Jylliew:
“Ka jingsah kut ka ka tih dewiong ha ka jylla hi ka dei ka jingleh sting jong ka sorkar jylla”, la ong u  Bah Robinus Syngkong  MLA ka Mowkaiaw Constituency  u ba bat ruh ia ka kam Parliamentary  Secretary ha ka sorkar ba lam khmat da  u Dr Mukul Sangma. U Bah Robinus u la pynpaw ruh ba ka jingmih na ka bynta ki paidbah ka dei ka kam trei dewiong ha ka jylla bad  ka jingkwah jong u ka long ba kane ka kam tih dewiong ka dei ban iaid beit khnang ba ki briew kin im.
“Ka  dei ka jingshisha ba ngi  la leit ban ia kynduh ia u Myntri ka Sorkar Pdeng u ba dei peit ia ki kam dewiong  bad ia u Myntri Khynnah ka tnad kam poh ing iong ka sorkar pdeng u  Kiren Rajiju ban ia kren ban  kin pynlait lem noh  ia kane ka kam khang tih dewiong ha kane ka jylla kaba la leh da ka NGT”, la ong shuh shuh u Bah Syngkon bad kdew ruh ba ka jingkynnoh ki kwah ban leit BJP ka long kaba bakla.
”Kam don ka jingthmu kaba kum kata, haba ka Sorkar kam shym la shim khia ia kane ka kam khang tih dewiong  kum ki nongmih khmat paidbah ngim banse ban wad ki lad ki lynti, ha ka jingleit ban ia kren bad kitei ki heh jong ka BJP la leit lang u Bah Stephanson Mukhin, Bah Thomas Nongtdu  bad ki trai jong ki kar khana dewbilat  namar khlem dewiong kan eh ia ki karkhana ba kin pyniaid”, la ong shuh shuh  u Bah Syngkon.